Масъул ташкилотлар 2024 йил якунига қадар меҳнат бозорида кутилаётган ўзгаришларни илмий тадқиқ қилади ва ўз аҳамиятини йўқотиб борадиган ҳамда янги пайдо бўладиган касблар (лавозимлар) рўйхати, уларга қўйиладиган малака талаблари ва компетенцияларни шакллантиради.

2025 йил 1 майга қадар жамланган маълумотлар асосида эса «Ўзбекистон янги касблар атласи» электрон платформаси яратилади.

Шундан сўнг, мазкур рўйхат ҳар йили янгилаб борилади.

Ушбу бандни амалга ошириш билан боғлиқ харажатлар Камбағалликни қисқартириш ва бандлик вазирлиги маблағлари ҳисобидан молиялаштиради.

Маълумот ўрнида, Камбағалликни қисқартириш ва бандлик вазирлиги, Иқтисодиёт ва молия вазирлиги, Олий таълим, фан ва инновациялар вазирлиги Савдо-саноат палатаси ва иш берувчилар уюшмалари амалиёт учун масъул ташкилотлар ҳисобланади.