Қирғизистон Республикасининг Жиноят ҳамда Жиноят-процессуал кодексларига ўзгартиришлар киритилди, деб хабар бермоқда Қирғизистон Президенти расмий сайти.

Маълум бўлишича, Садир Жапаров «Қирғизистон Республикасининг айрим қонун ҳужжатларига ўзгартишлар киритиш тўғрисида»ги ҳукумат қонунини имзолаган.

Ўзгартиришларга кўра, энди боланинг жинсий дахлсизлиги ва жинсий эркинлигига қарши жиноят содир этган эркаклар ёшидан қатъий назар умрбод қамоқ жазоси билан жазоланади. Ҳатто жиноятчи 60 ёшга тўлган бўлса ҳам, бундай жазодан қутулиб қололмайди.

Бундан ташқари, педофил жазони ижро этишига тўсқинлик қиладиган оғир даражадаги касаллик билан оғриган бўлсада, бари бир янги қонунда белгиланган жазосини олади.