Маълум бўлишича, якка тартибда фаолият юритувчи А.А. бозор ҳудудида савдо фаолиятини амалга ошириб, бозорда савдо қилиш тартиб қоидаларини менсимай, бозор ходими бўлган Ш.К.ни турли сўзлар билан ҳақорат қилиб, унга қаршилик кўрсатган ва урган.

Натижада, Жиноят ишлари бўйича Муборак туман судининг 2024 йил 15 май кунидаги қарори билан тадбиркор А.А. Ўзбекистон Республикаси МжтКнинг 183-моддасида назарда тутилган ҳуқуқбузарлик содир этган деб топилиб, унга нисбатан 7 сутка маъмурий қамоқ жазоси тайинланган.

«Бозор ҳудудида савдо қилиш тартиб қоидаларини менсимаган шахсларга нисбатан қонунда белгиланган тартибдаги жавобгарликка тортилиш мумкинлиги ҳақида огоҳлантириб ўтамиз», дейилади хабарда.