Тарбиячи олдин тарбияланувчини бошқа бир болга урдирган, кейин бунга ҳам қониқмасдан, ўзи калтаклаб, хонадан олиб чиқиб кетган.

Мазкур ҳолат бўйича Андижон вилояти мактабгача ва мактаб таълими бошқармаси дастлабки расмий муносабатини билдирди.

«Жорий йилнинг 21 май куни ижтимоий тармоқларда 'Андижондаги боғчаларнинг биридаги ҳолат' сарлавҳаси юзасидан тарқалган видеотасвирлар Андижон вилояти Мактабгача ва мактаб таълими бошқармаси томонидан назоратга олинганлигини ва ўрганиш ишларига йўналтирилганлигини маълум қиламиз», дейилади муносабатда.

Ўрганиш ишлари якунларига кўра батафсил маълумот берилиши режалаштирилган.

Видеотасвирга кўра, воқеа 18 май куни, соат 17:21 ва 17:25 оралиғида бўлиб ўтган.