Ўзбекистонликлар учун Ҳаж тадбири Ўзбекистон Республикасининг Дин ишлари бўйича қўмитаси ва Саудия Арабистони Подшоҳлигининг Ҳаж ва умра вазирлиги ўртасида ҳар йили имзоланадиган шартнома асосида Ўзбекистон мусулмонлари идораси томонидан амалга оширилади.

Бундай фаолият билан бошқа ташкилотларнинг шуғулланишига йўл қўйилмайди.

Саудия Арабистони томонидан белгиланган тартибга мувофиқ, чет эл фуқаролари учун Ҳаж зиёратини адо этишнинг асосий шарти – «ҳаж» визасига эга бўлишдир.

Қолган барча турдаги визалар, масалан, «умра», «туризм», «бизнес» ва бошқалар билан «Ҳаж» зиёратига бориш мумкин эмас.

Тартибни бузган хорижликлар Саудия Арабистонидан депорт қилиниб, мамлакатга 10 йил муддат давомида киритилмайди. Шунингдек, 50 минг саудия риали миқдорида жарима тўлайди.