Андижон вилояти Фуқаролик ишлари бўйича Хўжаобод туманлараро судининг 08.02.2024 йилдаги ижро ҳужжатига асосан қарздор МЧЖдан ундирувчи «Бизнесни ривожлантириш банки» АТБ фойдасига жами 1,2 миллиард сўм кредит қарздорлигини ундириш ва ундирув турар-жой биносига қаратилиши белгиланган.

Маълум бўлишича, қарздор Бюронинг Булоқбоши туман бўлими ходимлари томонидан ижро иши талабларини бажариши юзасидан огоҳлантирилган. Бироқ, шундай бўлса-да, у кредит қарзларини тўламаган.

Оқибатда, ижро ҳужжатига биноан қарздорнинг Булоқбоши туманининг «М.Исмоилий» маҳалласида жойлашган 550 кв/м ер майдонига эга 10 та хонадан иборат турар-жой биноси хатланган.

«Хонадон 1,5 миллиард сўмга баҳоланган бўлиб, ҳозирда ушбу бинони электрон онлайн-аукцион савдосига қўйиш чоралари кўрилмоқда», дейилади хабарда.