Uzbekistan Airways авиакомпанияси Ўзбекистон Мусулмонлари идораси билан биргаликда «Ҳаж-2024» дастури доирасида Саудия Арабистонига чартер йўловчи авиақатновларини амалга оширишни бошлайди.

Ҳамкорликнинг бу йилги илк қатнови 23 май куни амалга оширилади.

«23 майдан 7 июнга қадар «Ҳаж» дастури бўйича маросимларни бажариш истагида бўлган зиёратчилар Ўзбекистоннинг 10 та минтақавий халқаро аэропортларидан, хусусан, Тошкент, Наманган, Фарғона, Бухоро, Самарқанд, Қарши, Термиз, Навоий, Нукус ва Урганч шаҳарларидан Мадина шаҳрига етказилади», дейилади хабарда.

Маълум бўлишича, Ўзбекистон Мусулмонлари идораси билан тузилган шартномага мувофиқ, авиакомпания жорий йилда «Ҳаж-2024» дастури доирасида 124 та чартер йўловчи парвозлар билан 15 130 нафар зиёратчини ташишни режалаштирган.