Эрон президенти ва делегацияси бўлган вертолёт қулаб, ичидаги йўловчиларнинг барчаси вафот этди. Бу ҳақда Меҳр ахборот агентлиги хабар берди.

Вафот этганлар орасида Эрон ташқи ишлар вазири Хоссайин Амир Абдоллахиян, Табриз имоми Муҳаммад Али Хошим, Шарқий Озарбойжон губернатори Малик Раҳмати ва бошқа бир қанча йўловчилар ҳам бўлган.

Маълумот учун, Иброҳим Раисий бошчилигидаги делегация Озарбойжондан, ҳамкасби Илҳом Алиев билан учрашувдан қайтаётганда ҳалокатга учраган. Кортежда умумий 3 та вертолёт ҳаракатланган. Ҳамроҳ 2 та вертолёт эса қўнишни муфаффақиятли амалга оширган.

Эроннинг вице-президенти Муҳаммад Мухбар вақтинчалик президент вазифасини бажаради.