17 май куни, соат 18:00 да Ўзбекистон касаба уюшмалари саройида «Жадидлар орзуси» спектакли премьераси бўлиб ўтади.

Республика Маънавият ва маърифат маркази ҳамда «Маърифат» тарғиботчилар жамияти томонидан ташкил этилаётган спектаклдан кўзланган мақсад маърифатпарвар жадид боболаримизнинг ибратли ҳаёт йўллари, бой маънавий-илмий меросини ёш авлод қалбига сингдириш ва тарғиб этишдир.

Маълумот учун, мазкур саҳна асари Туркистонда бир неча мактаблар очилишига сабабчи бўлган, биринчи ўзбек драматурги Маҳмудхўжа Беҳбудий, ўзининг «Жамияти хайрия» фонди туфайли етим болаларни чет элларда ўқишига беминнат ҳисса қўшган Абдулла Авлоний ва миллий уйғониш ҳаракатининг яна бир намояндаси Абдулҳамид Чўлпон ҳаётига бағишланади.