Бунинг учун ҳайвонот боғига борилиб, бирорта ҳайвон танланади. Шундан сўнг васий пули нимага сарфланишини келишиб олади. Масалан, ҳайвон яшайдиган корпусни яхшилашга, уни реконструкция қилишга, асбоб ускуналар, озиқ-овқатлар ва бошқа эҳтиёжлар учун сарф харажатлари бўлиши мумкин.

Васийларга маълум бир имтиёзлар ҳам берилади.

Жумладан:

◻️ васийлик даврида васий шахс ва унинг оиласи учун ҳайвонот боғига бепул кириш;

◻️ танланган ҳайвоннинг қафасини маркалаш;

◻️ ҳайвонот боғининг веб-сайтида ва ижтимоий тармоқ саҳифаларида тилга олиниш;

◻️ ташкилотнинг танланган жониворига ғамхўрлик қилиш факти ҳақида таълим, кўнгилочар тадбирлар ва ПР акцияларни ўтказиш.

Икки томонлама келишувдан сўнг, ҳайвонот боғи ва васий ўртасида шартнома тузилади.

Маълумот учун, бу йил Тошкент ҳайвонот боғининг 100 йиллик юбилейи нишонланмоқда.