Ҳолатга Қурилиш ва уй-жой коммунал хўжалиги вазирлиги расмий муносабат билдирди.

Маълум бўлишича, воқеа кеча, 14 май куни Самарқанд вилояти Пастдарғом тумани «Самарқанд» МФЙда содир бўлган.

Маҳалланинг «Самарқанд» кўчасида қурилиш олиб борилаётганда пойдевор қисми нотўғри ковлангани учун қўшни уйганинг таг қисмига зарар етган ва бинонинг ярими қулаб тушган.

Аниқланишича, пойдевор қисми янги нотурар жой, яъни савдо мажмуаси учун ковланган бўлган.

Воқеа натижасида тан жароҳати олганлар йўқ.

«Мазкур ҳолатга доир қўшимча маълумотларни ўрганишлардан сўнг маълум қиламиз», дейилади хабарда.