Канаданинг Альберта провинцияси, Wood Buffalo муниципалитетида йирик ўрмон ёнғини содир бўлди. Бу ҳақда CBC телеканали хабар берди.

Маълум бўлишича, эвакуация ҳудудидаги 6 минг аҳолининг барчасига ҳудудни тарк этиш буйруғи топширилган. Дастлабки хабарларга кўра, ёнғин ҳудуднинг 11 минг гектар қисмини қамраб олган. Кейинчалик 21 минг гектарга яқин ҳудуд зарар кўргани маълум бўлди. Кўплаб одамлар эвакуация қилиш пунктларига ҳам мустақил етиб боролмаган.

Муниципалитетда фавқулодда ҳолат эълон қилинган.