Маълум бўлишича, воқеа кеча, 13 май куни соат 16:58 ларда Тошкент вилояти Зангиота тумани «Ҳаракат» маҳалласида жойлашган уйларнинг бирида содир бўлган.

Ўша куни уй эгалари 2 ёшли фарзанди эҳтиётсизлик ва назоратдан четда қолганлиги сабабли ҳовлисидаги ҳожатхонага тушиб кетганлиги тўғрисида ФВБга хабар берган.

Шундан сўнг қутқарувчилар зудлик билан айтилган манзилга етиб борган ва махсус қутқарув асбоб-анжомлари ёрдамида тахминан 5 метрлик ҳожатхона чуқурлигидан болани соғ-саломат олиб чиқиб, ҳаётини сақлаб қолган.