Воқеа Бухоро вилояти Жондор туманида бўлиб ўтган.

Маълум бўлишича, Жондор туман тиббиёт бирлашмаси рентгенолог врачи бир фуқарога ногиронлик нафақасига чиқишда керакли бўладиган ҳужжатларни тайёрлаб беришни ваъда қилган. Бунда у ваколатли танишлари борлигини айтган.

Жорий йилнинг 25 апрель куни ўтказилган тезкор тадбирлар давомида шифокор тиббиёт бирлашмасига қарашли поликлиниканинг маъмурий биносида талаб қилинган пулни олган вақтида ушланган.

Ҳозирда мазкур ҳолат юзасидан жиноят иши қўзғатилиб, дастлабки тергов ҳаракатлари олиб борилмоқда.