Фарғона вилояти Тошлоқ туманида яшовчи 63 ёшли Р.Х. Киберхавфсизлик марказига мурожаат қилиб, ўзига тегишли бўлган банк картасидан номаълум сабабларга кўра 5.000.000 сўм пул маблағлари ечиб олинганлигини маълум қилган.

Киберхавфсизлик бўлинмалари томонидан ўтказилган текширувлар натижасида бу пуллар банк томонидан ечилгани маълум бўлди.

Яъни, Р.Х. ўзининг номига олган кредитнинг ойлик қарздорлигини вақтида амалга оширмаганлиги сабабли банк картасидан 5 млн миқдоридаги маблағ банк томонидан ечиб олинган.

«Мазкур ҳолат Ўзбекистон Республикаси ЖПКнинг 83-моддаси 1-бандига асосан тугатилди», дейилади хабарда.