Кредит тарихини билишда янгилик. Эндиликда фойдаланувчилар кредит тарихи учун ариза топширганда, ўзларининг скоринг (scоring) балидаги ўзгаришларни ойлар давомида кузатиб бориши мумкин бўлади.

Бундай кредит тарихи ҳар кимда мавжуд бўлиб, у банклар ва микромолия ташкилотларига қарз олувчининг қанчалик ишончли эканини баҳолашга ёрдам беради.

Бунда қарз олувчилар «Кредит-ахборот таҳлилий маркази» кредит бюроси томонидан 0 дан 500 гача бўлган оралиқдаги скоринг балл орқали баҳоланади.

Баҳоланиш 5 гуруҳга бўлинади:

А – аъло (400-500 балл);

B — яхши (300-400 балл);

C — ўртача (200-300 балл);

D — қониқарли (100-200 балл);

E — ёмон (0-100 балл).

Кредит тарихини текшириб бориш мумкин бўлган сайтлар:

🔘 portal.infokredit.uz/reports;

🔘 my.gov.uz.

Мазкур сайтларда ушбу хизматдан фойдаланиш пулли, аммо бир йил учун бир марта бепул фойдаланиш имконияти мавжуд.

Қуйида уларнинг хизмат учун қўйган нархи:

▪️ портал.инфокредит.уз – 17 000 сўм;

▪️ мй.гов.уз – 15 300 сўм.

Маълум бўлишича, мутахассислар кредит тарихини билиш учун имкон қадар порталдан фойдаланишни тавсия қилмоқда.

Қўшимчасига, тайёр ҳисоботларни «ҳаракатлар тарихи» бўлимидан юклаб олиш ёки кузатиш мумкин.