Шавкат Мирзиёев 8–9 май кунлари амалий ташриф билан Москва шаҳрида бўлади, деб хабар берди Президент матбуот хизмати.

Маълум бўлишича, мамлакатимиз етакчиси кузатувчи давлат раҳбари сифатида Россия Федерацияси Президенти Владимир Путиннинг таклифига биноан Олий Евросиё иқтисодий кенгашининг навбатдаги йиғилишида қатнашади.

Шунингдек, Ўзбекистон Республикаси Президенти Иккинчи жаҳон урушидаги Ғалабанинг 79 йиллигига бағишланган тантанали тадбирларда ҳам иштирок этади.

«Ташриф доирасида қатор икки томонлама учрашувлар ўтказилиши ҳам режалаштирилган», дейилади хабарда.

Олдинроқ Шавкат Мирзиёев Россияда бўлиб ўтадиган ҳарбий парадда иштирок этиши ҳақида хабар берилган эди.