Бугун, 8 май куни Тошкентда Мудофаа вазирлиги қўшинлари ҳарбий бўлинмаларининг намойишкорона пиёда юришлари ўтказилади.

Бундан мақсад Иккинчи жаҳон урушида қозонилган ғалабага ҳисса қўшган барча уруш ва фронт орти меҳнат фахрийларига юксак ҳурмат-эҳтиром кўрсатишдир.

Шунингдек, Хотира ва қадрлаш куни муносабати билан ташкил этилаётган мазкур тадбирдан юрт ҳимоячиларининг Ватанга садоқатини намойиш этиш ҳамда аҳоли, айниқса, ёшларда фахр ва ифтихор туйғуларини ошириш ҳам кўзланган.

Ҳарбий бўлинмаларнинг тантанали равишдаги пиёда юришлари соат 14:00 да «Ғалаба боғи» ёдгорлик мажмуасидан бошланади ҳамда «Магиc Cитй» майдонидаги тўхташ нуқтасида Фахрий қоровул жамоаси ва қўл жанги усталарининг кўргазмали чиқишлари, бўлинмаларнинг жанговар чақириғи, ҳарбий оркестрнинг дифеле намойишлари ижро этилади.