Маълум бўлишича, жорий йилнинг 29–30 апрель ҳамда 1 май кунларида Сурхон воҳасида ёғингарчиликнинг кўп бўлиши оқибатида Шеробод туманининг «Боғиобод» маҳалласи ҳудудига кучли сел келган.

Адирликдан келган кучли сел оқибатида маҳалладаги қўрада сақланаётган 360 бош қўй нобуд бўлган.

Мурожаатда кўрсатилган ҳудуд ҳозирда вилоят Фавқулодда вазиятлар бошқармаси, вилоят Санитария-эпидемиология бошқармаси томонидан назоратга олинган ва ҳар хил касалликлар тарқамаслиги учун нобуд бўлган қўйларнинг жасади дезинфекция қилиниб, кўмилган.