Маълумки, юртимиздаги малака талаблари бўйича айрим мезонлар халқаро стандартларга ва иш берувчи талабларига тўлиқ мос келмайди.

Меҳнат бозорида мавжуд 8 мингга яқин ишчи касбдан 5 мингдан ортиғи бўйича малака стандартлари ишлаб чиқилмаган. Борлари эса аниқ ҳам эмас, сифатли ҳам.

Бундан ташқари, малакани баҳолаш марказларида сертификатлаш йўлга қўйилмаган. Миллий малака тизимига доир жараён ва ҳужжатлар Электрон платформада юритилмайди.

Эндиликда юқоридагиларни тартибга солиш мақсадида Миллий малака тизимини ривожлантириш институти ташкил қилинади. Мазкур институтга нафақат иш берувчилар, балки малака талабларини тўлиқ ишлаб чиқиш вазифаси топширилади.