Хабарга кўра, 6 та онлайн такси агрегаторлари солиқ органларининг ахборот тизимлари билан интеграциялашган.

Ушбу агрегаторлар орқали йўналишсиз такси фаолияти билан шуғулланаётган ўзини ўзи банд қилган ҳайдовчиларга тегишли бўлган 199,1 мингта автомобиль мавжуд.

«Шундан 64 фоизи Тошкент шаҳрида ҳаракатланади», дейилади хабарда.

Онлайн такси хизматларининг тақсимланиши қуйидагича:

▫️ Тошкент шаҳри (автомобиль рақами коди 01) — 54,6 фоиз;

▫️ Тошкент вилояти (автомобиль рақами коди 10) — 17,9 фоиз;

▫️ Қашқадарё вилояти (автомобиль рақами коди 70) — 5 фоиз;

▫️ Фарғона вилояти (автомобиль рақами коди 40) — 3,3 фоиз.

Очиқланишича, пойтахтда Қашқадарё, Фарғона ва Тошкент вилоятлари ҳайдовчилари кўпроқ йўловчиларни онлайн-агрегаторлар орқали ташимоқда.