Аввал хабар берганимиздек, Республика Маънавият ва маърифат марказида ижодий-маданий масалалар бўйича тарғиботчилар иштирокида семинар-тренинг бўлиб ўтган эди.

Унда қисқа муддат ичида республикада фаолият юритаётган ўн мингдан ортиқ ижодий-маданий масалалар бўйича тарғиботчилар учун семинар-тренинглар ташкиллаштирилиши кўзга тутилганди.

Шу мақсадда бугун, 13 декабрдан бошлаб Андижон вилоятида шаҳар-туманлардан келган  ижодий-маданий масалалар бўйича тарғиботчилар учун ўқув семинари бошланди.

Мазкур ўқув семинарлари малакали мутахассислар томонидан олиб борилмоқда. Жумладан, Андижон Давлат университети Умумий психология кафедраси таянч докторанти О.Қодирова, Педагогика институти декани, педагогика фанлари бӯйича фалсафа фанлари доктори Д. Саматов томонидан тарғиботчиларга керакли тавсия ва маслаҳатлар берилди.