Пули тўланмаган Damas учун тузилган шартномалар бекор қилиниши ҳақида хабар берилган эди. Uzauto Motors очилган ўринлар қайта ОНЛАЙН навбатга қўйилиб, бугун, 23 апрель куни, соат 10:00дан бошлаб контрактация қилинишини маълум қилган эди.

Эндиликда компаниянинг маълум қилишича, орадан ҳали тўлиқ 1 соат ўтмасдан 24 мингта Damas учун қайтадан шартнома тузилиб улгурди.

Энг қизиғи, соат роппа-роса 10:30 да, яъни ярим соат ичида 19 мингта Damas ОНЛАЙН сотилиб кетган.

Маълум бўлишича, тузилган шартномаларнинг 98.8 фоизи One ID тизимида рўйхатдан ўтган ва 1 тадан кўп бўлмаган автомобиль учун шартнома тузган жисмоний шахсларга тўғри келади.