Бугун 13 декабрь куни соат 14:00 дан Қашқадарё вилоятининг Китоб туманидан ўтган М-39 автомобиль йўлининг Тахтақорача довони йўли автомобиллар ҳаракати учун вақтинча ёпилди. Бу ҳақида ФВВ ахборот хизмати хабар берди.

Қайд қилинишича, бунинг асосий сабаби – М-39 автомобиль йўлининг довон қисмида тинимсиз ёққан қор оқибатида музламалар ҳосил бўлган.

«Айни дақиқаларда ФВВ раҳбарлигида тегишли ташкилотларнинг мутахассислари томонидан вазият оқибатларини бартараф этиш борасида кенг кўламли ишлар амалга оширилмоқда. Ҳозирда Тахтақорач» довони йўлининг қайта очилиши кутилмоқда. Бу ҳақда ФВВ Матбуот хизмати қўшимча маълумот тақдим этади», дейилади хабарда.