Жорий йилнинг 20–22 март кунлари Ўзбекистон ҳудуди бўйлаб ёмғир ёғади. 20–21 март кунлари баъзи жойларда кучли бўлиши ҳамда момақалдироқ кузатилиши мумкин. Бу ҳақида Ўзгидромет директори Ш.Хабибуллаев ўзининг Meta(Facebook) саҳифасида маълум қилди.

Хабарга кўра, 20–21 март кунлари шамол тезлиги 15-20 м/с гача кучаяди. Айрим жойларда ҳатто 25-28 м/с гача етиши мумкин.

Кутилаётган кучли ёмғирлар ёғиши сабаб 20–22 март кунлари тоғ олди ва тоғли ҳудудларда сел-сув, тошқин ҳодисалари юзага келиши айтилади.

Шунингдек, расмий республика ҳудудида ёмғир сувлари тўпланиши эҳтимоли борлиги, бу эса ҳудудларни сув босишига олиб келиши мумкинлигидан огоҳлантирган.