Статистика агентлигининг маълум қилишича, 2024 йилнинг январь февраль ойларида ФҲДЁ органларида республика бўйича 137 459 та тирик туғилиш ҳолатлари қайд этилган.

Бу кўрсаткич ўтган йилнинг мос даври билан солиштирилганда 3 631 тага (2,6%) камайган.

Аммо бу дастлабки маълумотлар таҳлилидир. Чунки агентликнинг жорий йил февраль ойи бўйича берган маълумотида 65 529 та тирик туғилиш ҳолатлари қайд этилгани айтилган. Бу эса ўтган йилнинг мос даври билан солиштирилганда 650 тага (1,0 %) кўплигини кўрсатади. Шу ўринда, тахмин қилиш мумкинки, туғилишлар сони фақатгина январь ойида камайган ва февраль ойига келиб яна «ўз ҳолига қайтган».