my.gov.uz портали сервер қурилмалари кўчирилмоқда. Бу ҳақида порталнинг расмий каналида маълум қилинди.

Унда ёзилишича, 21 – 24 март кунлари Ягона интерактив давлат хизматлари портали (my.gov.uz) сервер қурилмаларини Рақамли ҳукумат марказининг Маълумотларни қайта ишлаш марказига кўчириш ишларини олиб боради

Шу муносабат билан my.gov.uz портали ва унинг хизматларини кўрсатишга ихтисослашган барча модуллар, хусусан, Давлат хизматлари марказлари томонидан хизмат кўрсатишда фойдаланиладиган dxa.gov.uz ахборот тизими фаолияти ҳам чекланади.

«Қўшимча саволлар бўлса, 1242 рақамига мурожаат қилинг», – деб ёзилади хабарда.