Истиқболли лойиҳалар миллий агентлиги корпоратив ахборот ягона портали Бектемир туманида жойлашган «Қўйлиқ» деҳқон бозори фаолияти тугатилгани ҳақида маълумот жойлади.

Маълум бўлишича, «Қўйлиқ» бозори жамият акциядорларининг 2024 йил 29 февралдаги навбатдан ташқари умумий йиғилиши қарорига кўра ихтиёрий тугатилган.

Таъкидлаш лозим, Тошкент шаҳар ҳокимлиги «Қўйлиқ» бозорида қурилиш-реконструкция ишлари бошлангани ва бозор ёпиқ бўлиши ҳақида 5 январь куни маълум қилган эди. Ўшанда бозордаги тадбиркорлар фаолияти ҳисобга олиниб, уларга «эски бозор»дан 6,5 км узоқликдаги Food City, шунингдек, Tashkent Index ва бошқа савдо мажмуаларида ўз иш жараёнларини давом эттириши мумкинлиги айтилган.