Ўзбекистон Республикаси Фанлар академияси Ботаника институти ва Жанубий Сибир ботаника боғи ботаник олимлари биргаликда Тошкент вилоятидаги Чорвоқ сувомбори атрофидан карамдошлар оиласининг Паррия (Parrya) туркумига мансуб янги ўсимлик турини кашф этди.

Хабарга кўра, янги тур ўзбекистонлик олим, академик Комилжон Тожибоев шарафига «Тожибоев паррияси» – «Parrya tojibaevii» деб номланган.

Олимлар Чорвоқ ҳудудида дам олиш масканларининг кўплиги, ГEСларнинг қурилиши, чорва молларининг таъсирида мазкур турнинг тарқалиш ареали кичрайиб бораётганини таъкидламоқда. Бу эса ўсимликнинг бутунлай йўқ бўлиб кетиш арафасидаги тур мақомида бўлиши мумкинлигини англатади.