Янги ўқув йилидан бошлаб Ўзбекистондаги барча мактабларда 9-синфдан бошлаб ҳарбий-ватанпарварлик синфлари очилади. Бу ҳақида Миллий гвардия матбуот котиби Даврон Жуманазаров брифингда маълум қилди.

Маълумот учун, бунгача бундай синфлар республика бўйича фақат 56 та мактабда ташкил этилган.

Маълум бўлишича, синфларни ташкил этиш икки босқичда амалга оширилади. Яъни, биринчи босқичда 2024/2025 ўқув йилида 2530 та мактабда, иккинчи босқичда 2025/2026 йилда 2536 та мактабда бундай синфлар пайдо бўлади.

Эслатиб ўтамиз, ёшларни ҳарбий-ватанпарварлик руҳида тарбиялаш мақсадида Мактабгача таълим ва мактаб таълими вазирлиги билан ҳамкорликда қарор ҳам қабул қилинган.