Наврўз байрами муносабати билан 20-24 март кунлари маҳаллий йўналишларга қўшимча авиақатновлар жорий этилади. Бу ҳақида Uzbekistan Airways маълум қилди.

Хабарда айтилишича, қўшимча парвозлар бутун республика бўйича эмас, аксинча, айрим узоқ ҳудудлар учун амал қилади. Жумладан:

• Тошкент – Нукус – Тошкент – 20 март куни;

• Тошкент – Бухоро – Тошкент – 20-, 21-, 24 март кунлари;

• Тошкент – Урганч – Тошкент – 24 март кунлари;

• Тошкент – Фарғона – Тошкент – 21 март куни;

• Тошкент – Наманган – Тошкент – 24 март куни.

«Парвозлар жадвали билан www.uzairways.com сайтида танишишингиз мумкин, шунингдек, авиачипталарни авиакомпания сайтидан ҳамда «Uzbekistan Airways Sales» филиалида ёки авиакомпания агентларидан харид қилишингиз мумкин», – дейилади хабарда.