Тошкент шаҳрининг Юнусобод туманида икки автобус иштирокида ЙТҲ юз берди.

11 март куни соат 15:00 атрофида Тошкент шаҳрининг Юнусобод туманида жойлашган Бодомзор метроси рўпарасидаги бекатда ЙТҲ содир бўлди. Воқеа гувоҳи бўлган инсонларнинг сўзларига кўра, бекатга катта тезликда кириб келган 19-йўналиш электробуси бекатда турган автобусга урилган.

Натижада электробуснинг олди ойналари цинган, 93-автобуснинг орқа қисмига ҳам шикаст етган.

ЙТҲ вақтида 19-электробус салони йўловчилар билан тўла бўлган. Тан жароҳати олганлар бўлмаган.

Тошшаҳартрансхизмат ҳозирча ушбу ЙТҲ бўйича ҳеч қандай маълумот бергани йўқ.