Маданият вазирлиги ҳузуридаги Кинематография агентлиги буюртмасига биноан суратга олинган «Якшанба» фильми Ҳиндистоннинг «Bengaluru International Film Festival»ида «Энг яхши фильм» деб топилди, деб хабар беради маданият вазирлиги матбуот хизмати.

Фильм режиссёри Шокир Холиқов бўлиб, у жанр жиҳатидан драма ҳисобланади.

Фильмда чекка қишлоқда тинч-тотув ҳаёт кечираётган чол ва кампирнинг фарзандлари билан муносабатлари акс этган.

Оилавий драма икки авлод ўртасидаги зиддиятлар ҳақида ҳикоя қилади.