Болалар омбудсманининг хабар қилишича, воқеа 2023 йил 13 январь куни Қашқадарё вилояти Яккабоғ тумани 80-умумий ўрта таълим мактабида бўлиб ўтган.

Мазкур ҳолатда мактаб директори Т.А. 6-синф(ҳозирда7-синф) ўқувчилари А.Қ. ва Э.Т. ни синф парталарини синдириб, шовқин солиб юргани учун жазоламоқчи бўлган. Муассаса раҳбари болаларнинг бундай номақбул иши учун тарбиялашнинг ўзгача «услуб»ини қўллаган.

Маълум бўлишича, мактаб директори 2018 йилдан бери шу мактабда ишлаб келади.

Раҳбарнинг ушбу иши юзасидан жорий йилнинг 9 март санасидан бошлаб Яккабоғ тумани ИИБ томонидан терговга қадар текширув олиб борилмоқда.

«Болалар омбудсмани ҳолат юзасидан ўз кузатувини давом эттиради. Бу борада қўшимча маълумот берилади», – дейилади хабарда.