Маълум бўлишича, воқеа Жиззах вилояти Пахтакор туманига қарашли 9-сонли умумий ўрта таълим мактабида содир бўлган. Бу бўйича Бош прокуратура расмий муносабат билдирди.

Аниқланишича, 1-синф раҳбари С.С. (аёл) имтиҳон олган вақтида қониқарсиз баҳо олган ўқувчиларни доска ёнига чиқариб, уларга танбеҳ берган. Жазолаш пайтида синф ўқувчиларидан бири ўзини тута олмасдан йиқилиб тушган.

Ҳозирда ички ишлар органлари томонидан терговга қадар текширув ҳаракатлари ўтказилмоқда.

«Текширув ҳаракатлари Жиззах вилояти прокуратураси томонидан назоратга олинган», – дейилади хабарда.