2023 йил якунига кўра, ишсизлик даражаси 6,8 фоизни ташкил этган. Бу эса ўтган йилнинг мос даврига нисбатан 2,1 фоизга камайганини билдиради. Бу ҳақида Ўзбекистон Республикаси Камбағалликни қисқартириш ва бандлик вазирлиги хабар берди.

Маълум бўлишича, 2023 йилнинг декабрь ойида Меҳнат бозори тадқиқотлари институти томонидан республикамизнинг 208 та шаҳар ва туманида 1 000 та ўзини-ўзи бошқариш органлари, 10 минг уй хўжаликлари ҳамда 53 минг 300 нафар фуқарони қамраб олган навбатдаги ижтимоий сўров ўтказилган

Тадқиқот натижасида, жорий йилнинг 1 январь ҳолатига кўра, меҳнат ресурслари сони 19 млн. 724 минг 900 кишини ташкил этиб, 2023 йилнинг шу даврига нисбатан 207 минг 400 кишига (1,1 фоизга) ошгани маълум бўлди.