Пенсия жамғармасининг хабарига кўра, Марказий Осиё давлатлари ичида ёшга доир нафақага чиқиш бўйича энг ёш кўрсатгич Ўзбекистонда экан.

Маълумот ўрнида, мамлакатимизда қарилик нафақаси эркаклар учун 60 ёшдан, аёллар учун эса 55 ёшдан берилади.

Кейинги ўринда Туркманистон туради. Қўшни Республикада қарилик нафақасини тўлаш эркаклар учун 62 ёшдан, аёллар учун эса 57 ёшдан бошланади.

Қуйида Марказий Осиё давлатларида нафақага чиқиш ёши эркаклар ва аёллар учун қанчалиги кўрсатилган:

Ўзбекистон — эркаклар 60 ёш, аёллар 55 ёшдан;

Қозоғистон — эркаклар 63 ёш, аёллар 61 ёшдан;

Қирғизистон — эркаклар 63 ёш, аёллар 58 ёшдан;

Тожикистон — эркаклар 63 ёш, аёллар 58 ёшдан;

Туркманистон — эркаклар 62 ёш, аёллар 57 ёшдан.