Президент бошчилигида ўтказилган йиғилишда Хоразм вилоятидаги ижтимоий соҳани ривожлантириш масалалари ҳам кўриб чиқилди.

Таъкидланишича, Хоразмда автомобилсозлик, туризм, қишлоқ хўжалиги ва балиқчиликда малакали кадрларга талаб ўсиб боряпти.

Айнан туризм соҳасини инобатга олган ҳолда, Урганч шаҳар 2-сон касб-ҳунар мактабида «Pirson» дастури жорий қилинади. Бу ерда ўқувчилар «меҳмонхона иши» ва «туризм» йўналишида халқаро даражада малака оширади.

Шунингдек, Урганч университетида ҳам таълим йўналишлари мақбуллаштирилиб, янги ўқув дастурлари жорий қилинади.