Уларнинг 22 нафари ўз аризасига кўра, 2 нафари вафот этгани муносабати билан, 17 нафари судьялик қасамёдини, 8 нафари Судьялар одоби кодекси талабларини бузганлиги учун лавозимидан озод этилган. Бу ҳақида Судьялар олий кенгаши раҳбарияти иштирокида ўтказилган матбуот анжуманида маълум қилинди.

Бундан ташқари, ваколат муддати якунига етган 10 нафар судья ушбу лавозимда бўлишнинг навбатдаги муддатига нолойиқ деб топилган.

Маълумот учун, айни пайтда тизимда 1 409 нафар судья фаолият кўрсатмоқда. Уларнинг 453 нафари судьялик лавозимида бўлишнинг беш йиллик муддатига, 903 нафари ўн йиллик муддатга, 51 нафари муддатсиз даврга тайинланган.