Йиғилишда туризм ривожида катта ўрин тутадиган маҳаллий таомларни на мамлакат ичида, на четда кўрсатиш учун тарғиботнинг етишмаслиги танқид қилинди.

Президент айнан мана шу жиҳатга диққат қаратиб, хорижий сайёҳлар Хоразм таомларини етарли ва осон топиши учун Хива шаҳрида 24 соат ишлайдиган ресторан, кафе ва овқат расталарини ишга тушириш муҳимлигини таъкидлаган.

Бундан ташқари, йиғилишда Хоразм вилоятининг қатор туманларида меҳмонхоналар етишмаслиги айтилди. Шу жиҳатдан, эндиликда меҳмонхона ва дам олиш масканларини қуриш, мавжуд ўринларни кўпайтириш учун 7 йилга 2 йил имтиёзли давр билан 18 фоиз ставкада кредитлар берилиши белгиланди.