Россия президенти Владимир Путин ҳукуматга рус тили ва маданиятини хорижда тарғиб қилиш дастурларини молиялаштиришни кўпайтириш бўйича топшириқ берди, деб хабар бермоқда ТАСС.

«Ҳукуматдан рус тили ва кўп миллатли маданиятимизни тарғиб қилиш соҳасидаги халқаро дастурларни молиялаштиришни кўпайтиришни сўрайман. Албатта, биринчи навбатда, МДҲда ва кейин бутун дунёда», — деган Путин.

Бу сўзлардан сўнг залда қарсаклар янграган.

У бу билан Россиянинг ташқи сиёсат стратегиясини кўрсатмоқчи бўлган.

Путин нутқи давомида Россия хавфсизлик ва иқтисодиёт соҳасида халқаро алоқаларни, жумладан, BRICS давлатлари, араб давлатлари ва Африка билан яхши муносабатларни йўлга қўйишда давом этишини урғулаб ўтган.