Президентнинг Хоразм вилояти ва Қорақалпоғистон Республикасига қилган ташрифи давомида аҳолига қулайлик яратишга қаратилган ишлар изчил давом эттирилиши таъкидланди.

Хусусан, бу йил Бухоро – Урганч – Хива, келгуси йилдан Мискин – Нукус темир йўли электрлаштирилиши айтилди. Таъкидлаш лозимки, электрлаштириш натижасида Хива ҳамда Нукус шаҳарларига тезюрар поездлар қатнови йўлга қўйилади. Натижада ушбу ҳудудлардаги аҳоли мамлакатимизнинг бошқа шаҳарларига осон бориб-келиш имкониятига эга бўлади.

Мазкур лойиҳалар ҳисобидан транспорт харажатлари 2 баробарга қисқариб, йўловчи ташиш 30 фоизга ошади.

Шу билан бирга, бу каби йирик лойиҳалар Қорақалпоғистон ва Хоразмнинг иқтисодий салоҳияти ошиши, инвестициялар оқими ва иш ўринлари кўпайиши, аҳоли даромадлари ўсишига хизмат қилади.