Маълум бўлишича, воқеа бугун, 29 февраль куни соат 06:45 ларда Янги Ўзбекистон кўчаси чорраҳасида юз берган.

Йўл транспорт ҳодисаси сарой рақами 556 бўлган, 63-автобус ва Tracker русумли енгил автомобиль ўртасида содир бўлган.

Хабарда айтилишича, автобус Янги Ўзбекистон кўчаси чорраҳасидан қайрилиб олиш вақтида қарама-қарши йўналишда ҳаракатланиб келаётган Tracker юқори (197 км/соат) тезликда автобуснинг ўрта шина қисмига келиб урилган.

Автобусда йўловчилар бўлмаган. Tracker автомобили ҳайдовчиси тан жароҳати олган ва тез тиббий ёрдам кўрсатиш учун шифохонага олиб кетилган.

Хабарларга кўра, у шифохонада вафот этган.