Маълум бўлишича, эндиликда электропоездлар учун чипталарни темир йўл вокзаллари ва бекатлардан олиш шарт бўлмайди. Яъни, йўловчилар электропоезд вагонларида турган ҳолда АТТО транспорт карталари ёки банк карталаридан фойдаланиб, тўловларни амалга ошириши мумкин. Айни кунларда мана шундай амалиёт жараёни кетмоқда.

Бундай имконият дастлабки босқичда фақат Тошкент-Хожикент йўналишидаги электропоездларда жорий қилинган. Бироқ тез кунларда Тошкент-Бекобод, Тошкент-Ховос ва Тошкент-Ангрен йўналишларида ҳам ишга туширилиши режалаштирилган.