Агентлик “Тилимиз учун” лойиҳасини эълон қилди. Ҳозирда Агентлик жамоаси ўзбек тили ривожи учун ўз ҳиссасини қўшмоқчи бўлган кўнгилли ёшлар ҳаракатини йўлга қўйган. Бу орқали ўзбек тилининг қадрини ошириш, уни янада фаоллаштириш мақсад қилинган.

Маълумот учун, ҳозирда ташкилот томонидан бир қатор лойиҳалар фаолияти йўлга қўйилган. Булар:

–Жаҳоннинг тан олинган энг сара китобларини ўзбек тилига таржима қилишга қаратилган 1000КИТОБ лойиҳаси;

– Ўзбекча Википедияда сифатли ва фойдали контентларни кўпайтиришни мақсад қилган “Wики Стипендия” марафони;

– Истеъдодли шоирларни кашф этишга йўналтирилган “Дуэль” танлови ва бошқа ҳали эълон қилинмаган бир неча мега лойиҳалар.

Ушбу жараёнга ўз ҳиссасини қўшмоқчи бўлган жонкуяр, билимли ва фидоий ёшлар қуйидаги манзил орқали сўровнома тўлдиради ва кўнгилли ёшлар ҳаракатига қўшилади.

https://forms.gle/EwM5P1GFFpAS1fUa7