Адлия вазири ўринбосари Акбар Ташкулов Вазирлар Маҳкамаси қарорига мувофиқ Тошкент давлат юридик университети ректори этиб тайинланди.

Акбар Ташкулов 1971 йилда Жиззах туманида туғилган. 1994 йилда Тошкент давлат юридик институтини тамомлаган, мутахассислиги ҳуқуқшунос. Ўзбекистон Республикаси Президентининг 2015 йил 28 августдаги фармонига асосан А. Ташкулов «Ўзбекистон Республикасида хизмат кўрсатган юрист» фахрий унвонига сазовор бўлган.

2017 йилдан ҳозирги вақтга қадар Ўзбекистон Республикаси адлия вазирининг ўринбосари лавозимида фаолият юритиб келаётган эди.