23 февраль куни Шавкат Мирзиёев ёшлар бандлигини таъминлаш масаласида йиғилиш ўтказди. Унда ёшларни ишга жойлаштириш, замонавий касб-ҳунарлар ва тадбиркорликка жалб этиш бўйича режалар муҳокама қилинган.

Жумладан, энди хусусий курсларда ўқиб, C1 сертификатини олган ёшларга ўқиш харажатлари тўланса, немис, француз, корейс, япон ва хитой тиллари бўйича Б2 даражаси сертификатини олиш харажатлари қопланади.

Шунингдек, 2024 йилда сертификат олишдаги имтиҳон харажатидан ташқари 6 ойлик ўқиш пули ҳам тўлаб берилади.

«Устоз» лойиҳаси доирасида эса 250 минг нафар ёшлар маркетинг, реклама, электрон савдо, ИТ дизайнер каби 30 та замонавий касбга ўргатилади.