7 декабрь куни Сурхондарё вилояти Денов шаҳри Мустақиллик кўчасида жойлашган 2 қаватли “Инденим” савдо мажмуаси биносида чақнаш содир бўлган эди.

Чақнаш натижасида савдо мажмуаси биноси деворлари қулаб тушган. Натижада 9 нафар фуқаро тан жароҳати олиб шифохонага ётқизилган, 2 нафар фуқаро вафот этган эди.

Портлаш юзасидан Бош прокуратура жиноят иши қўзғатилганини маълум қилди. Ҳаёт Шамсутдиновга кўра, Деновдаги савдо мажмуасида юзага келган чақнаш ҳодисаси бўйича Бош прокуратура томонидан Жиноят кодексининг 257 (Меҳнатни муҳофаза қилиш қоидаларини бузиш) ва 259 (Ёнғин хавфсизлиги қоидаларини бузиш) моддалари билан жиноят иши қўзғатилган.

Ҳозирда ҳолат юзасидан тергов ҳаракатлари олиб борилмоқда.