Қашқадарёда октябр ойида очилган музей таъмири учун 500 млн сўм маблағ ажратиш режалаштирилмоқда.

Вилоят ҳокими Муроджон Азимовнинг “Қатағонлар қурбони” музейини таъмирлаш билан боғлиқ харажатларга маблағ ажратиш тўғрисида”ги қарори қабул қилинди.

Унга кўра, Қарши шаҳридаги “Қатағонлар қурбони” музейини таъмирлаш билан боғлиқ харажатлар учун вилоят ҳокимлиги “Ягона буюртмачи хизмати инжиниринг” компаниясига 500 млн сўм маблағ ажратади.

Шунингдек, вилоят Ғазначилик бошқармаси, вилоят ҳокимлиги “Ягона буюртмачи хизмати инжиниринг” компаниясига мазкур қарорга асосан ажратилган маблағларни тўлов интизомига риоя этган ҳолда ишлатиш юклатилди.

Эслатиб ўтамиз, ушбу музей Президентнинг жорий йил октябрь ойида Қашқадарёга ташрифи доирасида очилган эди.