Кеча, 8 декабрь куни Калифорниянинг Санта-Моника шаҳрида “People's Choice Awards” мукофотининг тақдирлаш маросими бўлиб ўтди. Бу мукофот ғолиблари ҳар йили томошабинларнинг овоз бериш йўли орқали аниқланади.

“Йил фильми” номинациясида “Қора бева” блокбастери ғолиб деб топилди. У “Ўлиш вақти эмас” ва “Веном-2”ни ортда қолдирди. “Энг яхши драма фильм” эса “Круэлла” картинасига насиб қилди.

“Йил актрисаси” шарафига Скарлетт Йоханссон, “Йил актёри”га бўлса Дуэйн Жонсон эришди.  

“Энг яхши сериал” йўналиши бўйича Марвел компаниясининг “Локи” лойиҳаси ғолиб деб топилди.

“Йил қўшиқчиси” ғолиблари Адел ва Монтеро Хилл бўлди. Ким Кардяшан эса “Мода маликаси” деб топилди.